Ang lugar na ito ay kung saan ako lumaki, nagka-isip at nagkaroon ng
maraming kaibigan. Mararating mo ito sa pamamagitan ng bus o jeepney Sa
pagpunta mo rito ay gagastos ka lamang ng humigit-kumulang 75 piso.
Mainam na magdala ng camera para sa pamamasyal mo rito dahil marami kang
bagay na dito mo lamang makikita.
Sa pagbaba mo sa sinasakyan mo ay una mong makikita ang simbahan ng
Baliwag, simbahang Romano Katoliko na makikita sa gitna ng aming bayan.
At sa harap ng simbahan paglabas ninyo ay makikita nyo ang rebulto
ng mahal na birhen. Dito ay maaari kayong mag alay ng panalangin at ng
bulaklak para sa kanya o magsindi na ng kandila kasabay ng inyong mga
kahilingan. Sa tuwing dadaan ka sa harap nito ay marami kang makikitang
namamanata, dahil tulad ng isng ina handa siyang makinig sa lahat ng
oras.
Mga tagpo sa buhay ni Hesu Kristo
Pagkakapako ni kristo sa krus
Siguro sa Baliuag, Bulakan nyo lang
makikita ang mahabang prusisyon na ito.Ginaganap lamang ito sa tuwing
sumasapit ang banal na lingo at sa bawat dumaraan na karo sa harap mo ay
maaamoy mo ang mga bulaklak at madarama mo ang pag-aalay ng buhay ni
Hesu Kristo para sa sangkatauhan. Ang bawat karo ay magsasalaysay ng
buhay at pagpapakasakit ng ating mahal na Diyos mula kapanganakan
hanggang kamatayan. Sa bawat taon, bilang debusyon ng mga tao at
pagkakaroon ng pananampalataya sa diyos ay marami ang mga
nagpuprusisyon, isang maliit na paraan upang magpasalamat sa pag-aalay
ng kanyang buhay para sa sangkatauhan.
